ተመዛበልቲ ህፁፅ ሓገዝ ዝፅበይሉ ዘይኮነስ ናብ ዓዶም ተመሊሶም ሰሪሖም ንባዕሎም ኮይኖም ንካልኦት ዝሕግዝሉ ኩነታት ንምንዳይ ድልውነት መንግስቲ ሓቲቶም።
እዙይ ዝተገለፀ ኣብ ከተማ ሽረ-እንዳስላሰ ኣብ ካልኣይ ብርኪ ቤት ትምህርቲ ፍረ-ስውኣት ዝርከቡ ተመዛበልቲ ብፕረዚደንት ጊዚያዊ ምምሕዳር ትግራይ ሌ/ጀነራል ታደሰ ወረደ ዝምራሕ ጉጅለ ዳህሳስ ኣብ ዝተኻየደሉ እዋን እዩ።
እቲ ዳህሳስ ካብ ወረዳ ኣስገደ ጣብያ ሕፃፅ፣ ኣብ ከተማ ሽረ-እንዳስላሰ፣ ኣብ ሙሉእ ቀዳማይ ብርኪ ቤት ትምህርቲ ፀሃየ ቀፂሉ እውን ኣብ ቤት ትምህርቲ ፍረ-ስውኣት ዝርከቡ ተመዛበልቲ ኣዘራሪቦም።
ቢሮ ጉዳያት ኮሙዩኒኬሽን ትግራይ
18 ታሕሳስ 2018 ዓ/ም
መቐለ
